28 milliard yaqtılıq yılı yıraqlığındağı yoldız kürende

Xabbl ğaläm teleskobı 28 milliard yaqtılıq yılı yıraqlığındağı yoldıznı kürsätte. Bu bügengä qadär açılğan iñ yıraq yoldız.

“Nature” jurnalında çıqqan mäqalädä Xabblnıñ 1990nçı yıldan birle ğaläm tikşerenülärendä qullanıluı äytelä. Häm ul täwge tapqır 28 milliard yaqtılıq yılı yıraqlığındağı yoldıznı kürsätügä ireşte.

Mäqaläneñ avtorları yoldıznıñ ber mizgelgä genä kürenep aluın yaza. Şulay da anıñ Qoyaştan 50-500 tapqır zurraq häm millionlağan qat yaqtıraq  buluın farazlıylar.

Yaña açılğan kük cisemen "Earendel" dip atadılar. Ul “irtänge yoldız” yäisä “kütärelüçe yaqtılıq” mäğ’näsenä iyä.

Belgeçlär yoldıznıñ küreneşeneñ Cirgä qadär kilep citüe öçen 13 milliard yıl uzuı kiräklegen häm bu açışnıñ dön’yanıñ täwge yılların tikşerergä yärdäm itäçägen belderde.

Ğalimnär “Earendel”nıñ ike tügel, çınnan da, ber yoldız ikänenä inanu öçen Xabbldan soñ uylap tabılğan häm tağın da açıq itep kürsätüçe Djeyms Vebb ğaläm teleskobin qullanaçaq.