Ğıyraqta kümäk qaberlek tabıldı

Ğıyraqnıñ tön’yağındağı Ninova töbägendä kemlekläre bilgesez 143 keşeneñ cäsäd qaldıqları tabıluı belderelde. Kümäk qaberlek Musul qalasınıñ Är-Rifaii rayonında bula.

Grajdanlı qotqaru törkemnäre qaberlektän cirlektä terrorçı oyışma DEAŞ xakimlek itkän 2014nçe-2017nçe yıllarda üterelgän 143 keşeneñ mäyet qaldıqların çığara. Alarnı kriminal’ mediśina oyışmasına tapşıralar.

Ğıyraqtağı kümäk qaberleklärdä 12 meñgä qadär keşeneñ cäsädläre barlığı farazlana.

DEAŞ terrorçı oyışması 2014nçe yılnıñ iyün’ ayında Ğıyraqnıñ Musul, Salaxaddin häm Änbar töbäklären tulısınça, Diyala belän Kärkükne öleşçä qulğa töşerde. Alarnı berniçä yıl êçendä terrorçılardan kire aldılar.