Törek êşmäkäre Kievta buşlay rizıq tarata
Törek êşmäkäre Onur Xäkim Ukraina başqalası Kievta suğış arqasında öylären taşlap kitärgä mäcbür bulğan yaqınça ber meñ ukrainalığa buşlay rizıq birä
Rusiyä belän Ukraina arasındağı suğış arqasında Kievta kibetlärneñ zur öleşe yabıq, açıq bulğannarda isä küpçelek produktlar yuq.
Kibetlärneñ yabıq buluı arqasında Kiev xalqınıñ ber öleşe azıq-tölekne aluda awırlıq çigä.
İzmirdän 20 yıl êlek Kievka kitkän häm şähärdä azıq-tölek tarmağında xezmät birgän Xäkim suğış arqasında öysez qalğan ukrainalılarğa buşlay aşamlıq tarata.
Xäkim başta sośial’ mediadan yasağan iğ’lan belän üz restoranında öysez qalğan kievlelärgä rizıqlarnıñ äzerlänüe öçen üzixtıyarıylarğa çaqıru yasıy.
Bu çaqırudan soñ küp sanda üzixtıyarıy aşamlıqlarnı äzerläwdä qatnaşu öçen Onur Xäkimgä möräcäğät itä.
Annan soñ Xäkim üzixtıyarıylarnıñ yärdäme belän 24nçe fevral’dä suğış başlanğannan berniçä könnän soñ 500 keşegä rizıq tarata başlıy.
Xäkim finanslağan yärdäm kampaniyasında bügen yaqınça ber meñ ukrainalığa buşlay rizıq taratıla.
