Zelenskiynı 3 tapqır ütermäkçe bulğannar
Ukraina liderınıñ uzğan atna kimendä öç üterü planınnan qotılıp qaluı farazlana
1789899
Ukraina däwlät başlığı Vladimir Zelenskiynıñ uzğan atna kimendä öç üterü planınnan qotılıp qaluı belderelde.
Angliyäneñ “The Times” gazetınıñ xäbärenä qarağanda, Rusiyäneñ Ukrainanı basıp aluınnan soñ Zelenskiynı üterü planı tözelä. İke höcüm omtılışın yallı suğışçılardan toruçı Vagner törkeme oyıştıra. Ukraina liderınıñ şimbä könne isä başqala Kiyevta çeçen üterüçeläreneñ höcümennän qotıluı belderelä.
Xäbärgä qarağanda, üterü omtılışları Rusiyädäge suğışqa qarşı küzläw oyışmalarınıñ mäğ’lümatları näticäsendä buldırmıy qalına.
“The Times”qa interv’yu birgän diplomat Ukraina liderınıñ ülemeneñ suğış barışına zur yoğıntı yasayaçağın äytä.