Mask - Tongağa: "Starlink cibärä alam"

Amerika êşmäkäre İlon Mask yanartaw atu häm śunamidan soñ êlemtä çaraları özelgän Tonga utraw-däwlätenä üzeneñ Starlink terminalların cibärä aluın belderde. Tabiğıy afät ilne internetsız qaldırdı.

İlon Mask ber ay buyınça internet êlemtäse bulmayaçağı turındağı xäbärlärdän soñ sośial’ mediadan Starlink terminalları turındağı täq’dimen citkerde. Tongalı wäqalätlelär Masknıñ twitına uñay cawap birde. Bolay dip yazdılar: “Starlinknıñ nilär êşli aluı turında centekläp belmibez. Yärdäm itegez”.

Mask cawap itep “Lazer êlemtäle citärlek yasalma iyärçenebez bulmawı häm Tonga töbägenä xezmät itüçe jeo satlar buluı öçen xäzerge waqıtta nider êşläw awır. Şuña kürä tögäl raslaw kötäm” dip yazdı.

İlon Masknıñ Tesla şirkäteneñ Tın okean utrawlarında ob’yektları çikle. Qayber urınnarda ênergetika proyektlarında qullanıluçı qoyaş panel’läre genä bar.

İyärçengä bäyle telefonnar häm bik çikle internet tışında Tongada êlemtä yulları äle haman yabıq.