Ukrainadan Törkiyä täq’dimenä uñay qaraş
Ukraina İlbaşı idaräse ofisı başlığı urınbasarı Mixay Podolyak İlbaşı Räcäp Tayyip Ärdoğannıñ Rusiyä Däwlät räise Vladimir Putin häm Ukraina Däwlät başlığı Vladimir Zelenskiyne Törkiyägä çaqıruın “yaxşı uylanılğan häm potenśialğa iyä” täq’dim buluın äytte
Mixay Podolyak “RBK Ukraina”ğa yasağan belderüendä İlbaşı Ärdoğannıñ töbäktäge wazğıyätne bik yaxşı añlawın citkerde.
Ärdoğannıñ ukrainnarnıñ häm urıslarnıñ motivların bik yaxşı belüen añlatuçı Podolyak täq’dimneñ “hiçşiksez, yaxşı uylanılğan häm potenśialğa iyä buluın” belderde.
Rusiyä İlbaşı idaräse süzçese Dmitriy Peskov ta Däwlät başlığı Ärdoğannıñ Rusiyä belän Ukraina arasındağı problemalarnı xäl itü öçen Rusiyä däwlät citäkçese Vladimir Putin häm Ukraina däwlät räise Vladimir Zelenskiyne Törkiyägä çaqıruın “xuplawların” beldergän ide.
Törkiyä İlbaşı idaräse süzçese, tulı wäqalätle ilçe İbrahim Qalın, İlbaşı Räcäp Tayyip Ärdoğannıñ Rusiyä belän Ukraina arasındağı problemalarnıñ çişeleşe öçen häm Rusiyä İlbaşı Vladimir Putin häm dä Ukraina Däwlät başlığı Vladimir Zelenskiy belän söyläşüen citkerep: "(Ärdoğan) Xätta telägän oçraqta här ikesen dä Törkiyägä kilep, aralarındağı problemalarnı häm qarşılıqlarnı çişü öçen cıyılış ütkärergä çaqırdı. Törkiyä Rusiyä belän Ukraina arasındağı kiyerenkelekne azaytu öçen uynıy alaçaq härtörle rol’ne üz östenä alırğa äzer. Monı häm Rusiyäneñ, häm dä Ukrainanıñ dustı häm dä NATO berlektäşe bularaq yasıybız”, - dip äytkän ide.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
