İlbaşı Ärdoğan Ukrainağa baraçaq

İbrahim Qalın: "Ärdoğan berniçä atna êçendä Ukrainağa kitäçäk”

1765202
İlbaşı Ärdoğan Ukrainağa baraçaq

İlbaşı idaräse süzçese İbrahim Qalın İlbaşı Räcäp Tayyip Ärdoğannıñ, berniçä atna êçendä Ukrainağa säfär yasap, Däwlät başlığı Vladimir Zelenskiy belän küreşep söyläşäçägen citkerde.

Qalın “Circle Foundation” töşençä oyışması oyıştırğan “Rusiyä häm Ukraina arasındağı kiyerenkelekneñ Awrupağa häm NATOğa buluı mömkin yoğıntıları” mäs’äläsendäge onlayn cıyılışta çığış yasadı.

İbrahim Qalın, Rusiyäneñ Ukrainağa qarşı xärbi xäräkät näticäläreneñ zur bulaçağın häm kire qaytarılmayaçağın belderep, Törkiyäneñ problemanıñ çişeleşe öçen härtörle rol’ne uynarğa äzer buluın äytte.

Mäs’äläneñ berniqadär waqıt kön tärtibendä buluına häm kiyerenkelekneñ artuına işaräläwçe Qalın Törkiyäneñ dä täräqqıyätlärne zur borçılu belän küzätüen, bu kiyerenkelekneñ risklarnı alıp kiteräçägen belderde.

Törkiyäneñ Ukrainada yäisä Rusiyä belän Ukraina arasında nindi dä bulsa xärbi xäräkät, bäreleş yäki suğış telämäwenä basım yasawçı Qalın: "Ukrainanıñ cir bötenlegen, säyäsi suverenlığın häm sośial’ bötenlegen tulısınça yaqlıybız”, - dip äytte.

Änkaranıñ yaña suğış kürergä telämäwen, Süriyädä, Ğıyraqta häm dönyanıñ başqa urınnarında citärlek kürülären iskärtep uzuçı İlbaşı süzçese ike yaqnı da salqın qanlı bulırğa çaqırdı.

Problemağa çişeleş tabıluı mäs’äläsendä Törkiyäneñ tırışularına da tuqtalıp uzuçı Qalın, İlbaşı Ärdoğannıñ häm Rusiyä Däwlät räise Vladimir Putin häm dä Ukraina Däwlät başlığı Vladimir Zelenskiy belän söyläşüen belderep: "(Ärdoğan) Xätta telägän oçraqta här ikesen dä Törkiyägä kilep, aralarındağı problemalarnı häm qarşılıqlarnı çişü öçen cıyılış ütkärergä çaqırdı. Törkiyä Rusiyä belän Ukraina arasındağı kiyerenkelekne azaytu öçen uynıy alaçaq härtörle rol’ne üz östenä alırğa äzer. Monı häm Rusiyäneñ, häm dä Ukrainanıñ dustı häm dä NATO berlektäşe bularaq yasıybız”, - dip äytte.

İlbaşı Ärdoğannıñ, berniçä atna êçendä Ukrainağa säfär yasap, Däwlät başlığı Zelenskiy belän küreşep söyläşäçägen citkerüçe Qalın: "Şul uq waqıtta näticäläre zur häm kire qaytalmaslıq bulaçaq härtörle xärbi xäräkättän taypılu öçen ruslar belän yaqın êlemtädä bulaçaqbız”, - dip belderde.



Bäyläneşle xäbärlär