Törekmänstan "Cähännäm qapqası"n yabarğa teli
Qaraqom urtasında 50 yıldan artıq yanıp toruçı gaz çoqırın sünderü öçen çara êzlilär
Törekmänstan kiñ Qaraqom çüle urtasındağı Derveze tabiğıy gaz kar'yerında 50 yıl yanıp toruçı "Cähännäm qapqası" dip ataluçı zur çoqırnı yabarğa teli. İlbaşı Gurbangulı Berdimöxämmätov wäqalätlelärne utnı sünderü öçen ber çara tabarğa çaqırdı. Berdimöxämmätov utnıñ tabiğat'kä dä, ul tirädä yäşäwçe keşelärneñ sälamätlegenä dä naçar yoğıntı yasawın äytte. Ul, monnan tış, bu mäs'älä belän bäyle iq'tisadi borçuların da telgä aldı.
Kraternıñ 1971nçe yılda Sovetlar Berlegeneñ töbäktä başqarğan borawlawınıñ gaz çoqırına turı kilüe belän barlıqqa kilüe uylanıla. Ul çorda Sovet xökümäte çıqqan ağulı gazlarnı yuq itü öçen älege çoqırğa ut törtä. Törkmänstan monnan alda da "Cähännäm qapqası"n yabarğa mataşqan ide. 2010nçı yıldağı şundıy omtılış uñışsız buldı.
