Paqıstanda afätlär

Paqıstannıñ Hayber Pahtunhva häm Belucistan vilayät’lärendä küzätelgän köçle qar yawu kiterep çığarğan afät häm qazalarda 13 keşe ülde, 13 keşe yaralandı.

Hayber Pahtunhvanıñ törle töbäklärendä qar häm köçle yañğır arqasında yullar häm şaqtıy öy cimerelde.

Belucistannıñ Uthal töbägendä dä köçle yañğır arqasında ber öyneñ tübäse işelde, waqıyğada 3 keşeneñ ğomere özelde.

Töbäktä êzläw-qotqaru êşçänlekläre däwam itä.

Kiçä Paqıstannıñ Murre şähärendä köçle qar yawu arqasında maşinalarınnan çığa almağan häm tuñıp ülüçelär sanı 23kä citte.

Cirle matbuğattağı xäbärlärgä kürä başqala İslamabadka 70 çaqrım yıraqlıqtağı Murre şähärendä häm Galiyat töbägendä 7nçe ğıynwar kiçennän başlap küp qar yawdı.

Räsmi zatlar köçle qar yawu arqasında şaqtıy keşeneñ maşinalarınnan çığıp, qunaqxanälärgä sıyınuların citkerde.