AQŞta möselman keşese Dini ireklär ilçese buldı

Amerika Quşma Ştatlarında berençe tapqır ber möselman keşese Dini ireklär ilçese bularaq bilgelände.

AQŞ ilbaşı Djo Bayden tarafınnan 30nçı iyul’ könne AQŞ Xalıqara dini ireklär ilçese bularaq täqdim itelgän Reşad Xösäyenneñ namzätlege kiçä Senat ğomüm şurasında raslandı.

Kandidatlığı 5kä qarşı 85 tawış belän raslanğan Xösäyen bu wazıyfağa bilgelängän berençe möselman buldı.

Çığışı belän Hindıstannan bulğan möselman ğailäneñ balası bularaq AQŞnıñ Vayoming ştatında tuğan Reşad Xösäyen politologiya, ğaräpçä häm İslam fännäre ölkälärendä belem aldı häm Yel’ Universitetınnan professor däräcäsen aldı.

AQŞ Milli iminlek şurasında Partnyerlık häm global’ êlemtä mödire bularaq wazıyfa başqarğan Xösäyen monnan alda da Ğadälät ministrlığınıñ Milli iminlek berämlegendä êşli ide.

Reşad Xösäyen Obama çorında da AQŞnıñ İslam xezmättäşlek oyışması maxsus wäkile häm Strategik terrorçılıqqa qarşı köräş maxsus wäkile bularaq wazıyfa başqarğan ide.