ECOWAS illӓre çiklӓren aça
Kovid-19 kizüe arqasında yabılğan ciröste çiklӓre qabat açıla
Könbatış Afrika dӓwlӓtlӓreneñ iqtisadi cӓmğıyӓte ECOWASka ӓğza illӓr Kovid-19 kizüe arqasında yabılğan ciröste çiklӓren qabat aça.
ECOWAS liderları ciröste çiklӓrenen 1nçe ğıynwardan başlap qabat açıluın qabul itte.
ECOWASnıñ Sӓwdӓ, tamğaxanӓ hӓm irekle xӓrӓkӓttӓn cawaplı komissiya ӓğzase Tey Konzi onlayn oyıştırılğan ECOWAS cıyılışında açıqlaw yasap, çiklӓrneñ yabıq buluınıñ töbӓk iqtisadına tiskӓre tӓêsir itüen belderde.
Konzi töbӓktӓ iqtisadi yaxşıru öçen çiklӓrneñ qabat açıluı zarurlığın ӓytep: “Kizügӓ qarşı körӓş maqsatı belӓn çiklӓrneñ aşığıç rӓweştӓ yabıluı keşelӓrneñ hӓm mal-mölӓtlӓrneñ irekle xӓrӓkӓtenӓ tiskӓre yoğıntı yasadı,” – dide.
Çik buyların kizügӓ qarşı çaralarınıñ kürelӓçӓgen açıqlağan Konzi barlıq yulçılarnıñ PŚR test nӓticӓlӓren kürsӓtergӓ mӓcbür bulaçağın da assızıqladı.
