Kön’yaq Afrikada cirle saylawlar uzdı
Saylawlarda qatnaşu külӓme bik tübӓn buldı
Kön’yaq Afrika Cömhüriyӓtendӓ oyıştırılğan cirle saylawlarda il tarixınıñ iñ tübӓn qatnaşu külӓmnӓrennӓn berse küzӓtelde.
Saylaw komissiyase mӓğlümatlarına kürӓ terkӓlgӓn 26 million saylawçıdan barı tik 8 millionı tawış birde.
Kön’yaq Afrikalı saylawçılar ildӓge 23 meñ saylaw üzӓgendӓ cirle sӓgӓt’ belӓn 07.00dӓn kiçke 21.00ğa qadӓr tawış birde.
Saylawlarda 257 şӓhӓr xaqimiyӓte öçen yaqınça 60 meñ namzӓt köç sınaştı.
Gauteng, Kvazulu Natal, İstern Keyp vilayӓt’lӓrendӓge qayber saylaw üzӓklӓrendӓ oyıştırılğan protest çaraları arqasında tawış birü kiçekte.
İlneñ iñ zur vilayӓt’lӓrennӓn Kvazulu Natalda qayber saylawçılar terkӓlgӓn bulularına qaramastan isemlektӓ urın almawların dӓğwa itte.
Ayıruça texnik problemalar arqasında kim digӓndӓ 32 meñ saylawçı tawış birüdӓ qıyınlıqlar kürgӓn.
