"Bezneñ êşebezgä tıqşınmağız"

Äfğanstanda waqıtlıça Taliban xökümäteneñ tışqı êşlär ministrı wäkile Ämirxan Muttaki, dön’ya däwlätlärenä möräcäğat’ itep, ileneñ êçke êşlärenä tıqşınmasqa çaqıru yasadı. “Bez berkemneñ dä êşenä tıqşınmıybız häm başqalardan da şundıy uq mönäsäbät kötäbez. Başqa däwlätlärneñ üz fikerlären köçläp tağuı Äfğanstanğa fayda kitermäyäçäk,”-di ul.

Muttaki ber däwlätneñ dä yärdämen almıyça bäysez xökümät tözülären häm Äfğanstannıñ yaña idarä tübäse astında tınıçlıqqa ireşüen äytte. Ul barlıq illär belän dä balanslı, ä kürşe däwlätlär belän yaxşı mönäsäbätlär tözergä teläwlären citkerde.

Muttaki Awrupa Berlege belän dä êlemtälären yaxşırtırğa niyätläwlären äytep uzdı. Ul, şulay uq, äfğan möhacirlärneñ Awrupağa yök buluın telämäwlären, monıñ berkemgä dä fayda kitermäyäçägen iskärtte.

Muttaki Äfğanstannıñ ğaräp häm Farsı qultığı däwlätläre belän ayırım mönäsäbätlär tözergä planlaştıruın söyläde. “Äfğan xalqı islam dön’yasınıñ ähämiyätle ber öleşe, şuña kürä yaña çorda ğaräp häm islam däwlätläre belän küper tözüebez kiräk,”-dide ul.

Muttaki Äfğanstan yaqlarınıñ söyläşülären uzğan yıllarda üzendä ütkärgän Katarğa räxmät äytte. Ul Doxada 9nçı-10nçı oktyabr’dä amerikalı wäqalätlelär belän uzdırılğan söyläşülärne dä “uñay” dip bäyäläde.