Qartayunı tuqtatıp bulamı?
Belgeçlär qartayu prośessın kiregä borunıñ mömkin bulaçağın belderä
Zıyan kürgän yäisä tawşalğan organnarnıñ qartayu prośessın kiregä boru mömkin bulaçaq. Professor Uğur Şahin moña ışanuın äytte.
Biontex şirkätenä nigez salğan Şahin häm Özläm Türäci Germaniyäneñ “Bild” gazetına interv’yu birde.
Şahin qartayunıñ biologik prośess buluın, şuña kürä tire küzänäkläreneñ bilgele ber faktorlar belän qabat programmalana aluınıñ, yäisä yäşärtelüeneñ monnan distälärçä yıl êlek kürelüen belderde. Älege faktorlarnı matriśa ribonuklein kislotası (mRNK) yärdäme belän küzänäklärgä kertergä mömkin.
“Fantastik fil’mnardağı şikelle qart keşene kisäk kenä yäşärtä almassız. Tik zararlanğan yöräk häm tawşalğan başqa organnarnıñ qartayu prośessın tulısınça yäisä öleşçä kiregä borırğa mömkin. Monıñ kiläçäktä şulay bulaçağına hiç şöbhäm yuq,”-di Uğur Şahin.
Koronavirus mäs’äläsenä kilgändä, professor, Kovid-19 farazlanılmağan üzgäreş kiçermäsä häm kiläse atnalarda vakśina yasatu däräcäse üssä, közge häm qışqı aylarnıñ yaxşı ütäçägen uylıy.
Özläm Türäci isä 5tän başlap 11 yäş’kä qadärge balalar öçen koronavirus vakśinası mäğ’lümatları belän urtaqlaştı. Ul älege yäş’ törkeme öçen dozanıñ 10 mikrogramm buluın citkerde. Bu ölkännär öçen birelgän dozanıñ öçtän bere qadär. Türäci tağın da keçkenälär öçen mäğ’lümatlarnıñ yıl axırına qadär äzer bulaçağın äytte.
