Däwlät başlığı üz-üzenä qul salırğa mataştı

Boliviyada êlekkege waqıtlıça däwlät başlığı Janin Anez törmädä üz-üzenä qul salırğa mataştı. Ul 13nçe marttan birle räşätkä artında.

Sputniknıñ xäbärenä qarağanda, advokat Xorxe Valda kliyentınıñ mäxkämä prośessınıñ awır yoğıntısında qaluın belderde.

“Bügen êlekkege däwlät başlığı Janin Anez üz ğomeren özärgä mataştı. Täñregä şöker, uñışsız buldı,”-dide ul.

Êçke êşlär ministrı Êduardo del Kastillo isä matbuğat cıyılışında Aneznıñ sälamätlegeneñ totrıqlı buluın äytte. “Ber belägendä keçkenä sızıqlardan tış borçılırlıq närsä yuq,”-dide ul.

Boliviyada êlekkege däwlät başlığı Êvo Moralesnıñ 2019nçı yılnıñ noyabrendä wazıyfasınnan kitüe belän bäyle tikşerüdä êlekkege waqıtlıça däwlät başlığı Anez, êlekkege ênergetika ministrı Rodrigo Guzman häm êlekkege yustiśiyä ministrı Al’varo Koimbranı qulğa alu qararı çığarıldı.

İldä älege xökem prośessı “tüntäreleş suğışı” dip atala.