İzrail armiyäseneň Ğazzägä hawa höcümnäre däwam itä

İzrail armiyäseneň Ğazzägä hawa höcümnäre däwam itä.

 Ğazzäneň qayber töbäklärendäge xärbi bulmağan binalarğa , igen basularına häm qurqınıçsızlıq punktlarına hawa höcümnäre yasalğan.

İzrail xärbi oçqıçları Ğazzäneň  könbatışındağı “Äl – Ansar” xakimiyät kompleksındağı iminlek üzäge belän irekkä cibärelgän fälästinle totqınnar öçen ofis urnaşqan fatirnı bombağa totqan.

İzrail şulay uq Ğazzaneň könbatışındağı Äl-Makvisi mäxälläsendäge 1 öygä häm könçığıştağı Äş-Şucaiyye mäxälläsendä urnaşqan 1 öy belän fatirğa da höcüm itkän.

Höcümnärdä yaralanğan keşelär xastaxanägä ozatılğan.

İzrail armiyäse Ğazzäneň tön’yağında igen basularına raketa höcüme oyıştırğan. Höcüm yanğın kiterep çığarğan.

İzrailneň 10 nçı maydan birle Ğazzägä däwam itkän höcümnärendä 213 keşe şähit bulğan. Alardan 61 e balalar, 36 sı xatın - qızlar, 1 meň 442 keşe yaralanğan.