Süäeş kanalında qotqaru êşçänlege

Süäeş kanalında töpkä utırğan yök qorabın qotqaru êşçänlege däwam itä.

Kanal idaräse räise Usame Rabi “Extra News TV” kanalınıñ ber tapşıruında telefon aşa êlemtägä kerep açıqlawlar yasadı. Anıñ äytüençä, Misır törkemnäre tarafınnan uylap çığarılğan 3 qotqaru planı bar. Anıñ ikesen tormışqa aşıru bara. Yärdämgä Niderlandtan da törkem kilgän.

Öçençe plannıñ yöklärne buşatıp köymäne çığaru buluın belderdelär. Ämma 13 meñ konteynernı 52 metr biyeklektän töşerü şaqtıy awır bulaçaq.

Kanaldan ütüne kötep toruçı 320 korab çiratqa basqan. Alarnıñ 3se xaywan taşıy. Köymälärgä kiräkle azıq häm mediśina yärdäme ireşterü öçen maxsus törkemnär 24 säğat’ buyı tuqtawsız êşli.

Kanal idaräse räise Usame Rabi monnan aldağı matbuğat cıyılışında töpkä utırğan korabnı qotqaru êşçänlegeneñ kanaldan sunıñ çigenüe arqasında awırlaşuın beldergän ide.

Zur konteyner korabı dön’yadağı iñ ähämiyätle su yullarınıñ berse sanaluçı Süäeş kanalında 24 martta uq qazağa oçradı. Ul kom buranı häm naçar hawa şartları arqasında küz küremeneñ naçarayuı säbäple yarğa bärelep töpkä utıra. Köymä kanalğa arqılı basa häm andağı xäräkät yulın yaba. Näticädä anda köymälärdän zur qoyrıq barlıqqa kilä, yağulıq täêminatında xilaflıqlar çığa.

Süäeş kanalı idaräse şul uq könne diñgez xäräkäteneñ ğadäti xälgä kire qaytuın belderde. Ämma 25nçe martta korabnı xäräkätländergängä qadär ütep yörülärneñ tuqtatıluı citkerelde.

Älege yök korabınıñ xucası bulğan Yaponiya firması da 26nçı martta belderü yasadı häm texniqanı qabat xäräkät itterüdä awırlıq tuuın äytte.

Bügen isä köymäne yözderä aluları xaqında xäbär kilep ireşte. Älegä ul kanaldan çıqmağan.