AQŞtan Rusiyägä Qırım çaqıruı
Amerika Quşma Ştatlarınıñ Berläşkän Millätlär Oyışması daimi wäkilçelegeneñ säyäsi koordinatorı Rodni Xanter Rusiyä, Ukrainanıñ könçığışındağı separatistlarğa yärdämen tuqtatıp, Qırımnı annekśiyäläwen betergänçegä çaqlı sankśiyälärneñ däwam itäçägen äytte
1582413
BMO İminlek Şurasınıñ Ukrainanıñ könçığışındağı täräqqiyätlär söyläşelgän cıyılışında çığış yasawçı Xanter Rusiyäne töbäktäge “agressiyanı beterergä” häm Qırımnı annekśiyäläwdän waz kiçergä çaqırdı.
Rusiyä kire adım yasamağan oçraqta Amerika Quşma Ştatları çikläwläreneñ däwam itäçägen belderüçe Xanter Rusiyäne 100dän kübräk Ukrainalı säyäsi totqınnı irekkä cibärergä, qırım tatarlarına häm okkupaśiyägä qarşı buluçılarğa qarata qurqıtu säyäsäten tuqtatırğa çaqırdı.
Ukrainanıñ könçığışındağı Donbas töbägendä 2014nçe yıldan birle güya bäysezlegen iğ’lan itkän Rusiyä yaqlı separatistlar belän Ukraina xärbi berlekläre arasında bäreleşlär däwam itä.
