Awıl xucalığı êşçeläre belän poliśiyä arasında qanlı bäreleş

Peruda demonstraśiyä oyıştırğan awıl xucalığı êşçeläre belän poliśiyä arasında qanlı bäreleş kilep çıqtı. Waqıyğa Libertad töbägendäge Ço şähärendä bula. Êşçelär xezmät xaqlarınnan qanäğat’ tügel häm awıl xucalığı ölkäsendäge reformalarğa protest belderä. Poliśiyä belän çıqqan bäreleştä 3 keşeneñ ğomere özelä. Alarnıñ 2se demonstrant, berse isä maşinası belän yalğış bäreleşneñ urtasında qalğan 56 yäş’lek keşe. Monnan tış, 24 keşe yaralana, 15e poliśiyä xezmätkäre.

Peruda sişämbe könne Kongress cir qanunın qabul itte. Anda awıl xucalığı êşçeläreneñ xezmät xaqları 13,40 dollar bularaq bilgelände. Ämma bu kötelgännän bik tübän bulıp çıqtı.  Awıl xucalığında êşläwçelär xezmät xaqlarına 8,50 dollar östälüen teli ide, ämma 2,50 dollar arttıruğa ğına ireştelär. Êş birüçelär isä tüläwlärneñ üsüeneñ 2 meñ şirkätne awır xälgä töşeräçägen belderep östämägä qarşı çıqtı.