Êfiopiyädä türälär qulğa alındı

Êfiopiyäneñ könbatışındağı Benişangul Gumuz töbägenä xökümät räise Abiy Äxmät kilep kitkännän soñ qorallı törkem ber awılğa höcüm oyıştırdı. Anda distälägän keşe üterelde. Bu waqıyğanı tikşerü barışında kimendä 5 xökümät wäqalätlese qulğa alındı.

Töbäk idaräsennäñ belderülärençä, höcüm belän bäyläneşle bulularında şöbhälänep saq astına alınğan keşelär federal’ häm töbäk xakimiyätendä xezmät itä.

Êfiopiyäneñ Benişangul Gumuz töbägendä qorallı törkemnär ber awılğa höcüm itep distälärçä keşene üterde. Qayber cirle çığanaqlar üle sanınıñ 90nan artıq buluın yaza.

Xökümät räise Abiy Äxmät monnan alda cirlekkä säfär yasap töbäktäge êtnik bäreleşlär häm köç qullanularğa çik quyarğa süz birde.

Xökümät distälägän meñ keşene urınınnan küçenergä mäcbür itkän häm soñğı aylarda artqan bäreleşlärneñ artında Tigray xalıq bäysezlege frontı toruın uylıy. Alarnı birelergä mäcbür itü öçen xärbi operaśiyä oyıştırıldı.