Könçığışta Covid-19

Dön’yada koronavirus kizüendä ğomere özelüçelär sanı 1 million 271 meñ 750dän arttı.

Yoqtıru oçraqları 51 million 400 meñnän, sawığuçılar isä 36 million 193 meñnän artıq.

Hindıstanda sonğı tӓwlektӓ 448 keşeneñ yaqtı dön’yadan kitüe belӓn koronavirustan ülüçelär sanı 127 meñ 133kӓ citte. 38 meñ 73 yaña oçraqnıñ kürelüe belӓn awırular sanı 8 million 594 meñ 698 buldı. 

Rusiyädä virustan 31 meñ 161 keşeneñ ğomere özelde. İldä infekŝiyalelär sanı da 1 million 817dän arttı. Başqala Mäskäwdä qayber Kovid-19 çaraları qabat kertelde. Bu qısada tönge klublar, restoran, bar häm kafelarnıñ yabıldı. Yuğarı uqu yortları distanŝion belem birügä küçte. Başqalada mädäni çaralar tıyıldı Çaralarnıñ 15 ğıynwarğa qadär küreläçäge belderelde.

4634 keşe virustan ülgӓn Qıtayda sonğı ber köndӓ Kovid-19 can almadı. İldä xasta sanı isӓ 22gӓ artıp, 86 meñ 267gӓ çıqtı.

Kovid-19 İranda 39202, Ğıyraqta 11432, Livanda 732, Tunista 1920, Misırda 6380, Marokkoda 6356 can aldı.