NASAnıñ apparatı berniçä sekundqa asteroidqa utırdı
Bu xäräkätne “bir bişne” dip atadılar
NASAnıñ ğaläm apparatı Osırıs-rex toqım ürnäkläre alu öçen Bennu asteroidına yaqınlaştı. Ul diametrı 500 metr bulğan kük cisemenä berniçä sekundqa ğına utırıp aldı häm şul mizgel êçendä qom häm tuzan kisäkçeklären tupladı.
NASAda apparatnıñ bu xäräkäten “bir bişne” dip atadılar. Çönki älege qısqa utırıp alu ber qul çabu şikelle bula. Ürnäklär cıyu öçen korab köçle gaz ağımı cibärä häm öslektäge toqımnarnı bärep çığara.
Apparat älege qısqa waqıt êçendä 60 gramm ürnäk cıya adlımı – älegä tögäl bilgele tügel. Ägär toqım kisäkçekläre citärlek bulmasa, anıñ ğıynvar ayında Bennuğa qabat utırırğa tırışaçağın belderälär.
NASA belgeçläre asteroidtan alınğan ürnäklärne tikşerep Qoyaş Sistemasınıñ barlıqqa kilüe belän bäyle sorawlarğa cawap tabarğa teli.
Osiris-rex 2018nçe yılnıñ dekabrennän birle Bennunı küzätä. Anıñ 2023nçe yılda Cirgä qaytuı kötelä.
