Zur tizlek belän arta

Koronavirus arqasında dön’yada ğomere özelüçelär sanı 1 million 46 meñ buldı. Yoqtıruçılar sanı 35 million 709 meñnän, sawığuçılar isä 26 million 878 meñnän arttı.

215 meñ 32 ülem oçrağı, 7 million 679 meñ yoqtıruçı belän êpiśentr sanaluçı AQŞta Aq Yort süzçese Êydan Makênani koronavirus testınıñ pozitiv çığuın häm üzen karantinğa yabuın belderde. CNN isä anıñ yärdämçese bularaq xezmät itüçe Çad Gilmartin häm Kêrolayn Livittnıñ da testlarında koronavirus açıqlanuın yaza. Aq Yort xäbärçeläre cämğıyäte dä 3 jurnalist häm ber xezmätkärneñ Kovid-19 yoqtıruın belderä. AQŞ ilbaşı Donal’d Tramp koronavirustan däwalanğan Uolter Rid xärbi gospitalennän çıqtı.

Braziliyä sälamätlek saqlaw ministrlığı mäğ’lümatlarına qarağanda, ildä virus soñğı köndä 323 keşeneñ ğomeren özgän. Şulay itep, Kovid-19dan ülüçelärneñ sanı 146 meñ 773kä citä. 11 meñ 946 yaña oçraq terkälgännän soñ, yoqtıruçılar sanı 4 million 940 meñ buldı.

Argentinada soñğı 24 säğat’tä 450 keşe koronavirus säbäple wafat bulğannan soñ ülüçelär sanı 21 meñ 468gä citte. İldä ber köndä 11 meñ 242 keşegä Kovid-19 diagnozı quyıldı. Tulayım yoqtıru oçraqları – 809 meñ 728.

Meksikada soñğı täwlektä koronavirus arqasında 180 keşe ülde häm 3 meñ 417 yaña oçraq terkälde. Şulay itep, ğomere özelüçelär sanı 79 meñ 268gä, yoqtıru oçraqları – 765 meñ 82gä citte.

İtaliyada soñğı täwlektä koronavirus 16 keşene alıp kitte. Şulay itep, yuğaltular 36 meñnän arttı. Yaña açıqlanğan 2 meñ 257 oçraqnı terkägännän soñ, yoqtıruçılar 327 meñ 586 buldı. İtaliya matbuğatındağı xäbärlärgä qarağanda, xökümät soñğı könnärdä awıruçılarnıñ artuı säbäple yaña kisätü çaraları kertü turında uylana.

Franśiyädä kizü säbäple soñğı 24 säğat’tä 69 keşeneñ ğomere özelde. Yuğaltular 32 meñ 299 buldı. Virus yoqtıruçı sanı isä 5 meñ 84kä arttı häm 624 meñ 274 buldı.