Terrorçılar gumanitar yärdäm xezmätkärlären üterde
Alar üterü barışın töşerep internetqa quydı
1460273
Nigeriyanı teträtep toruçı Boko Xaram terrorçı oyışması 5 gumanitar yärdäm xezmätkären urlağan ide. Alarnıñ üterelüe bilgele buldı.
Boko Xaram Twitterdağı bitendä üz qansızlıqlarınıñ 35 sekundlıq videosın urtaqlaştı. Anda uzğan ayda urlanğan 5 xezmätkärne wäxşilärçä atıp üterüläre kürenä.
Bu video uñayınnan BMO gumanitar koordinaśiyä ofisınnan älegä belderü yasalmadı.
Boko Xaram 2019nçı yılnıñ dekabrendä dä 4 gumanitar yärdäm xezmätkären ütergän ide.
Älege terrorçı oyışma Nigeriyada 2000nçe yıllarnıñ başında üzen kürsätä başladı. 2009nçı yıldan alarnıñ qanqoyğıç ğamälläre 20 meñnän artıq keşeneñ ülemenä kiterde. 2015nçe yıldan Boko Xaram kürşe däwlätlär Kamerun, Çad häm Nigerda da höcümnär oyıştıra.
