Hindıstan - Qıtay ğaskäriläre bäreleşüe

Hindıstannıñ tön’yaq könçığışında Qıtay ğaskäriläre belän çıqqan bäreleştä 20 hind ğaskäriye yaqtı dön’yadan kitte.

ANI agentlığı beldergänçä Ladakxtağı Galvan üzänlegendä kiyerenkelekne töşerergä cıyınğan barışta hind häm Qıtay köçläre arasında köçle bäreleş çıqtı häm yuğaltular buldı.

Xökümät çığanaqlarına tayandırılğan mäğlümatqa kürä bäreleştä aralarında ber ofiŝer da bulğan 20 hind ğaskäriyeneñ ğomere özelde. Bu soñğı 45 yılda ike il arasında barlıqqa kilgän iñ köçle bäreleş buldı.

ANI agentlığı xäbärenä kürä Qıtay tarafında 43tän artıq ğaskäri ülde yäisä awır yaralandı.

Hindıstannıñ Qıtay çigendä urnaşqan Ladakx töbägendä möstäqıyllek xoquqları arqasında küzätelüçe kiyerenkelek 2017dä üskän ide.

İke il arasındağı 3500 çaqrımlıq çik buyı liniyaseneñ zur öleşe möstäqıyllek bäxäslären tudıra.