AQŞ haman tınıçlanmıy

Amerika Quşma Ştatlarında çığışı belän Afrikalı bulğan Djordj Floydnıñ 25 may könne Minnesota ştatında poliŝiya qırıslığı näticäsendä yaqtı dön’yadan kitüe belän başlanğan rizasızlıq belderü 10 kön buyı däwam itä. Citäkçelekneñ protestçılarğa qarata tağın da qırıs bulaçağı äytelä.

Saqlanu ministrı Mark Êsper kiçä açıqlağan Vaşington DC yanındağı bazalarğa urnaştırılğan ğaskärilärne çigü qararın kire aldı.

AP xäbär agentlığına açıqlaw yasağan saqlanu räsmi zatları aldağı kiçne Vaşington töbägenä cibärelgän 1600 ğaskärineñ kiçä kiçtän başlap bazalarına qaytaçağın beldergän ide.

Läkin qısqa ber waqıttan soñ Ciröste köçläre ğomüm särqätibe Rayan Makkarti şul uq agentlıkka ministr Êspernıñ çigenü qararın kire aluın citkerde.

Aq Yort süzçese Kayli Makenani da däwlät başlığı Donal’d Trampnıñ kiräkle oçraqta däwam itüçe protest çaralarına qarşı xärbi köç qullanuğa röxsät birüçe Rizasızlıq qanunın ğamälgä kertäçägen äytte.

Floydnıñ muyınına teze belän bastırıp, ülemenä säbäpçe bulğan poliŝiya xezmätkäre Derek Şauvinnıñ öçençe däräcä urınına ikençe däräcä cinayät’tän xökemgä tartılaçağı belderelde. Şauvinnıñ mäxkämäse 8 iyun’ könne uzaçaq.