113 yäş'lek äbi koronavirusnı ciñde

İspaniyädä qartlar yortında yäşäwçe 113 yäş’lek xatın-qız koronavirusnı ciñä aldı. Cirle matbuğat çaralarında yazılğança, Girona şähäreneñ Olot rayonındağı Maria Branyas isemle älege ölkän yäş’täge xanım berniçä atna buyı çir belän köräşkän. Monnan tış, ul äle bala waqıtında uq dön’yadağı iñ zur pandemiyälärdän berse sanaluçı häm 1918-1920nçe yıllarda millionlağan keşeneñ ğomeren alıp kitkän ispan grippın da ciñgän bulğan.

4nçe martta 113 yäşen tutırğan häm 20 yıldır qartlar yortında yäşäwçe Branyas jurnalistlarğa bolay dip söyläde: “Qayber keçkenä problemalarım bar, ämma alar här keşedä bardır. Miña yärdäm itkän barlıq mediśina xezmätkärlärenä räxmätemne citkeräm. Monda êşläwçelär mine qaradılar häm bik igeleklelär”.  

"Gerontology Research Group"  isemle cämğıyät’neñ mäğ’lümatlarına qarağanda, Branyas dön’yada Kovid-19nı ciñgän iñ ölkän keşe sanala.