Dön’yanıñ iñ yuğarı oçın qabat ülçäyäçäklär
Qıtay belgeçläre Êverestnıñ biyeklegen ülçäw öçen öçençe tapqır yulğa çıqtı
Ülçäw belgeçläre häm professional’ al’pinistlardan toruçı 30 keşelek törkem Êverestqa menü öçen yuğla çıqtı. Alar bu êşne Qıtaynıñ tabiğıy çığanaqlar ministrlığı quşuı buyınça başqara.
Törkem inde aprel’ ayı başınnan birle taw itägendäge töp lager’da zur biyeklekkä iyäläşü künegüläre uza ide. Alar, hawa şartları yaxşı bulsa, ay axırında tawnıñ oçına menep citärgä planlaştıra.
Belgeçlär iñ yuğarı noqtada GPS häm çağıştırmaça awırlıq ülçäwçe gravimetr şikelle cihazlar yärdäme belän tawnıñ tögäl ülçämen yasarğa tırışaçaq.
Qıtay monnan alda 1975nçe häm 2005nçe yıllarda iñ biyek noqtanıñ tögäl ülçämen yasaw öçen Êverestqa êkspediśiyä cibärgän ide. Berençesendä 8848 metr 13 santimetr, ikençesendä 8844 metr 43 santimetr çıqtı.
Qıtay koronavirus kizüe säbäple 12nçe martta Nepal belän çik buyında urnaşqan Êverest tawına üz yağınnan kütärelüne tuqtatıp toruın xäbär itte.
