Tarrant ğayepläwlärne qabul itte
Avstraliyäle terrorçınıñ üzen mäxkämä zalına kitermädelär
Yaña Zelandiyäneñ Kraystçerç şähärendä uzğan yılnıñ 15nçe martında Nur häm Linvud mäçetlärenä qorallı höcüm oyıştırıp 51 keşene ütergän terrorçı Brenton Tarrant ğayepläwlärneñ barısın qabul itte. Utırış bügen irtän uzdı.
Terrorçı Tarant 51 keşe üterü, 40 üterügä omtılış häm terrorçı höcüme başqaruda ğayeplänä. Ul mäxkämä utırışında Okland şähärendäge törmädän videoêlemtä yulı belän qatnaştı. Terrorçınıñ reakśiyäsez buluı kürende. Ul advokatları arqılı sişämbe könne ğariza birep iyün’ ayında bulırğa tiyeşle utırışnı irtäräk waqıtqa küçergän. Êlegräk Tarrant barlıq ğayepläwlärne kire qağa ide.
Koronavirusqa qarşı çaralar qısalarında Yaña Zelandiyädä ğadättän tış xäl kertelde. Şuña kürä, mäxkämä utırışına 17 keşe genä kilde. Bu - jurnalistlar, Nur mäçete imamı Gamal Fouda, Linvud mäçete imamı Abdul Alabi Latıyf.
Kiläse utırışta terrorçığa cäza bilgelänäçäk. Anda qorbannar häm ğomere özelüçelärneñ yaqınnarı da qatnaşır dip kötelä. Utırışnıñ waqıtı älegä, Kovid-19 çaraları säbäple, tögäl bilgelänmäde.
Bäyläneşle xäbärlär
"Watandaşlarıbızğa Livan cirlärennän kitülären kiñäş itäbez"
Bu xaqta Kreml’neñ matbuğat särqatibe Dmitriy Peskov belderde
