Koronavirus taraluın hӓm can aluın dӓwam itterӓ

Qıtayda yaňa tördӓge koronavirustan ülüçelӓr sanı 3 meň 213 kӓ citkӓn.

İran ilbaşı Xasan Ruxani Kovid -19 ğa qarşı körӓş qısasında ber genӓ şӓhӓrdӓ dӓ karantin iğ’lan itelmӓwen, sӓwdӓ êşçӓnleklerenӓ çiklӓwlӓr kertelmӓwen beldergӓn.

İrannıň “Tasnim” agentlığı beldergӓnçӓ, belgeçlӓr mӓclese ӓğ’zası Ayetullah Haşim Bathai Gulpeyagani 78 yӓşendӓ koronavrustan wafat bulğan.  

İlbaşı Xasan Ruxani mediśina xezmӓtkӓrlӓreneň êşen ciňelӓytü öçen mӓcbürü bulmağanda xalıqnı öydӓn çıqmasqa çaqırğan.

İranda koronavirus belӓn çirlӓwçelӓr sanı 12 meňne uzıp kitkӓn.Ul 853 keşene yaqtı dönyadan alıp kitkӓn.  

Ğıyraq başqalası Bagdatta Kovid -19 sӓbӓbe belӓn uramğa çığu tıyılğan. Anı yoqtıruçılar sanı ildӓ  124,ğomere özelgӓn keşe sanı 10 dip belderӓlӓr.

İzrail’dӓ koronavirus yoqtıruçılar sanı 250 gӓ citkӓn.

Rusiyӓdӓ tağın 4 keşedӓ koronavirus tabılğan hӓm anıň belӓn awıruçılar sanı 66 bularaq terkӓlgӓn.

Azӓrbaycan koronavirus oçrağınıň 16 ğa citüen citkergӓn.

Kovid -19 belӓn awıruçılar Moldovada 23,Gruziyada 33 bulğan.

Qazaqstanda 16 nçı mart – 15 nçe aprel’ könnӓre arasında ğadӓttӓn tış xӓl iğ’lan itelgӓn , diplomatlar hӓm xalıqara oyışmalar wӓkillӓrennӓn tış ilgӓ çit il watandaşlarınıň kerüe bügennӓn  başlap tıyılğan.

Üzbӓkstan prem’yer-ministrı Abdulla Aripov bügennӓn başlap il çiklӓreneň , yuğarı uqu yortları ,mӓktӓplӓr, balalar baqçalarınıň yabılaçağın beldergӓn.   

Livan prem’yer-ministrı Xassan Diyab yaňa tördage koronavirus sӓbӓbe belӓn ildӓ ğadӓttӓn tış xӓl iğ’lan itkӓn.

Baxreynda qurqınıç virustan tӓwge ülem oçrağı terkӓlgӓn.

Soğud Ğarӓbstanı Kovid -19 dan saqlanu çaraları qısasında dӓwlӓt xezmӓtkӓrlӓreneň 16 kön êşkӓ barmawı  turında qarar qabul itkӓn.

İldӓ xӓtӓr virüs belӓn çirlӓwçelӓr sanı 118gӓ citkӓn.