Awrupa Qoyaş iyärçenen oçırdı

Awrupa ğaläm agentlığı Qoyaşnıñ qotıp yaqların tikşerergä tiyeşle küzätü iyärçenen oçırdı. Anı irtänge säğat’lärdä Atlas 5 raketası belän AQŞnıñ Florida ştatındağı Keyp Kanaveral ğaläm bazasınnan hawağa cibärdelär.

İyärçen orbitadağı maxsus marşrut näticäsendä Qoyaşnıñ moña qadär kürenmägän qotıp yaqların töşerep alaçaq. Anıñ kiläse dekabr’dä Venerağa barıp citüe kötelä. 2021nçe yıl axırında iyärçen fänni operaśiyälären başlıy, 2022nçe yılda Qoyaşqa berençe yaqınlaşuı planlaştırıla.