Abbas-Borrel’ telefon söyläşüe
Fälästin İlbaşı Mäxmüd Abbas ike däwlätle çişeleşkä, xalıqara qararlarğa häm Ğaräp tınıçlıq kereşüenä bäylelegen täqrarladı
WAFA Fälästin xäbär agentlığı xäbär itüençä, Fälästin Däwlät başlığı Abbas Awrupa Berlege tışqı mönäsäbätlär häm iminlek säyäsäte yuğarı wäkile Josep Borrell belän telefonnan söyläşte.
Awrupa Berlegeneň ğadel häm daimi tınıçlıq urnaştıru yaqlı totışın maqtawçı Abbas ike däwlätle çişeleşkä, xalıqara qararlarğa häm Ğaräp tınıçlıq kereşüenä bäyle buluların belderde.
Borrell isä Awrupa Berlegeneň ike däwlätle çişeleşne häm tınıçlıq öçen alıp barılğan êşçänlekkä däwam itelüen yaqlawçı totışta buluın assızıqlap äytep uzdı.
Borrell kiçä yasağan yazma belderüendä Awrupa Berlegeneň transatlantik urtaqlığı häm İzrail-Fälästin problemasın kileşü yaqlı xäl itäçäk härtörle iniśiativanı yaqlawın beldergän häm: "Amerika Quşma Ştatlarınıň 28nçe ğinwar’dä täq’dim itkän kereşü östendä xalıqara kileşü täêmin itelgän ülçäwlärgä turı kilmi”, - dip bäyäläw yasağan ide.
