Tramp täqdimne kire qaqtı
İran AQŞ citäkçelegen qabat söyläşügä çaqırğan ide
Amerika Quşma Ştatları dӓwlӓt başlığı Donal’d Tramp İrannıñ çiklӓwlӓr beterelsӓ, AQŞ belӓn söylӓşülӓrne qabat başlata alu tӓqdimenӓ “Yuq, rӓxmӓt!” dip cawap birde.
Tramp İran tışqı êşlӓr ministrı Möxӓmmӓd Cawat Zarifneñ sankśiyalӓr beterelgӓn oçraqta ileneñ söylӓşülӓrgӓ açıq buluı turındağı süzlӓrenӓ Twitterda cawap qaytardı.
Amerikan ilbaşı anda tübӓndӓgeçӓ yazdı: “İran tışqı êşlӓr ministrı İrannıñ çikӓwlӓr beterelgӓn oçraqta söylӓşü alıp barırğa telӓwen ӓytӓ. Yuq, rӓxmӓt!”
İran ministrı Zarif alman “Der Şpigel” jurnalına yasağan açıqlawında: “Bezneñ öçen Aq Yortta kemneñ buluı möhim tügel, möhime – niçek êş başqaruları. Tramp citӓkçelege ütkӓndӓge xatasın tözӓtӓ ala, çiklӓwlӓrne beterӓ ala hӓm söylӓşü östӓle artına kire utıra ala. Bez söylӓşüdӓn taypılmadıq, taypıluçılar ala,” – digӓn ide.
