Qıtayda koronavirustan ülüçelär arttı
İldä êş urınnarı, uqu yortları häm, xätta, yullar yabıldı.
Qıtaynıñ Uxan’ şähärendä kilep çıqqan yaña tör koronavirus kizüendä 830 keşe xastalandı, 25eneñ ğomere özelde. 177 awırunıñ xäle awır.
Virus älege ildä Tibet avtonom töbäge häm Śinxay provinśiyäse tışında barlıq cirleklärdä taralğan.
Çirlelär belän êlemtädä bulğannar arasınnan küzätü astına alınuçılarnıñ sanı 8 meñ 420, virus yörtüdä şöbhälänelüçelär isä 1072 bularaq bilgelände.
Qayber şähärlärdä benzin stanśiyäse, xastaxanä, daruxanä häm azıq-tölek kibetläreneñ tışında barlıq êş urınnarı yabıldı. Şähärlärarası magistral’lärneñ dä öleşçä yabıluın äytälär.
Xubêy provinśiyäse xökümätennän belderülärençä, cirlektäge barlıq turizm agentlıqlarınıñ êşçänlege waqıtlıça tuqtatılğan.
Qıtay yaña yılı yalında bulğan uqu yortları häm balalar baqçalarınıñ açılu könnäre kiçekterelde.
Qıtaynıñ finans ministrlığı Uxan’dağı kizü beläñ köräş öçen 1 milliard yuan’ (144 million dollar) bülenüen belderde.
Bäyläneşle xäbärlär
Mäskäwdä dawıl: ülüçelär bar
Rusiyä başqalası Mäskäwdä täêsirle bulğan dawılda 2 keşeneñ ğomere özelgän, 10 keşe dä yaralanğan
