“AQŞnıñ bu töbäktä xärbi kontingentı qalmasqa tiyeş”

 İran liderı Ali Hamaney başqala Tährandağı çığışında Ğıyraqtağı AQŞ bazalarına höcümnäre xaqında tübändägelärne citkerde:” Tönlä alarğa köçle höcüm yasaldı ämma bu ğına citmi. Amerika Quşma Ştatlarınıñ bu töbäktä xärbi kontingentı qalmasqa tiyeş”.

Üz çığışında Ğıyraq başqalası Bagdatta AQŞ tarafınnan üterelgän iranlı general Qasıym Sölaymanine maqtap telgä alğan Hamaney süzen tübändägeçä däwam itterde: “Doşmannı döres tanu – xalıqnıñ wazıyfası. AQŞ,sionistlar häm dönya imperializmı – İrannıñ doşmannarı. Ğıyraq parlamentınıñ AQŞnı ildän çığaru qararınnan qanäğät’ qaldıq”.

Ali Hamaney noyabr’ ayında ildä benzin bäyäläre kütärelgännän soñ küzätelgän waqıyğalarnıñ da doşmannar planı buluın häm mondıy kereşülärgä qarata uyaw bulu kiräklegen citkerde.