"Suğışlarnı başlaw ciñel, ämma tuqtatu bik awır"

Rusiyä AQŞnıñ İran inqıylab gvardiyäse armiyäsenä bäyle Qudüs köçe komandirı general Qasıym Söläymaninı üterüen amerikalılar belän Ğıyraqtağı şiğıylar arasında bäreleşneñ xäbärçese buluın uylıy. Bu xaqta Rusiyä federaśiyäse şurası xalıqara êşlär komitetı räise Konstantin Kosaçev citkerde. Ul matbuğatqa yasağan belderüendä Sölaymaninıñ üterelüen küptän tügel Bağdadtağı AQŞ ilçelegenä höcüm öçen üç aluğa oxşağan “bik naçar sśenariy” bularaq bäyäläde. “Ägär çınnan da şulay bulsa, qızğanıç, üç qaytaru ozaq köttermäs. Çönki suğışlarnı başlaw ciñel, ämma tuqtatu bik awır,”-dide senator.    

Kosaçev Ğıyraqtağı şiğıylarnıñ bu waqıyğağa reakśiyä belderäçägen häm yaña bäreleşlär başlayaçağın äytte.