Hawa pıçraqlılığı - kanikul öçen säbäp
Tähranda hawa pıçranu säbäple mäktäplärdä yal iğ'lan itelde
İran başqalası Tähranda hawa pıçranu säbäple başlangıç häm urta mäktäp uquçılarınıñ belem aluı tuqtatılıp tora. Şähärdä, şulay uq, yöräk, üpkä çire bulğannar, olı yäş’tägeşär häm awırlı xatın-qızlarğa yal birelde.
Tähran gubernatorı Ênuşirevan Muxsini Bendpey beldergänçä, başqalada hawa pıçraqlığı här kubometrğa 150 mikrogramm bularaq ülçängän. Bu allergiyäse bulğannar öçen problema kiterep çığarırğa mömkin.
Başqalada yök maşinalarınıñ ütep yörüe öçen çikkläwlär kertelde. Monnan tış, şähär transportına bäyälär 50%qa oçsızlanaçaq. Qala xakimiyäte, şul räweşle, xalıqnı üz texnikasında tügel, avtobuslar belän xäräkät itärgä çaqıra.
Tähran bolay da hawa śirkulyaśiyäse öçen caysız urınğa urnaşqan. Östäwenä, şähärdä keşe küp häm alar bik tığış cirläşep yäşi. İske texnika häm motośikllar çığarğan gazlar Tährannıñ hawa pıçraqlılığın arttıra.
İran başqalası dön’ya külämendä pıçraq hawalı şähärlär arasında 12nçe urında tora.
Bäyläneşle xäbärlär
BMO ğomum särqatibe yaqlar mäxkämä qararın tiyeşençä ütäyäçäk dip sanıy
Xalıqara mäxkämä İzrailneñ Ğazzägä höcümnären tiz arada tuqtatu qararı qabul itte