Kiyevda protest çaraları
Çaralar Normandiya Liderlar oçraşuınnan alda uzdı
Ukraina krizisınıň çişeleşe öçen Germaniya, Franṡiya, Rusiyä häm Ukraina liderları Normandiya formatında ütkäräçäk oçraşudan alda başqala Kiyevda protest çarası oyıştırıldı.
İldä oppoziṡiyadäge êlekke däwlät başlığı Petro Poroşenkonıň partiyase Awrupa berdämlege, êlekke prem’yer-ministrlardan Yuliya Timoşenkonıň partiyase Anavatan häm rok yoldızı Svyatoslav Vakarçuknıň Tawış partiyase oyıştırğan çaralar Bäysezlek mäydanında uzdı.
“Qızıl sızıqlar” isemle çaralarda Kiyevda oppoziṡiya partiyasenä äğza bulğan meňnärçä keşe qatnaştı.
Protestçılar 9 dekabr’ könne uzaçaq Normandiya Liderlar oçraşuında Ukraina ilbaşı Vladimir Zelenskiynıň unitar däwlät qorılışınnan taşlama yasamawı, ilneň könbatış belän integraṡiya säyäsätennän waz kiçmäwe häm Qırımnıň yawlanuı häm kire alınuı mäs’älälärendä taşlama yasalmawın taläp itte.
Çaralar waqıtında kiň qırlı iminlek çaraları kürelde.
Normandiya Liderlar oçraşuı soňğı tapqır 2016 yılda Germaniya başqalası Berlinda oyıştırılğan ide.
