"Yäşeren kileşü yuq"

Rusiyä tışqı êşlär ministrı Sergey Lavrov Süriyädä terror oyışmaları buşatqan urınnarğa qarata Amerika Quşma Ştatları belän bernindi kileşüneň bulmawın belderde.

Lavrov matbuğat oçraşuında Anadolu Agentlığınıň Rusiyä belän AQŞ arasında Süriyäneň tön’yaq könçığışı belän bäyle yäşeren kileşüneň bulıp bulmawı sorawına cawap birde.

Sergey Lavrov: “Bügen AQŞ belän bernindi mäs’älädä kileşüneň mömkin buluın uylamıym,” – dide.

Lavrov AQŞnıň Süriyägä qanunsız räweştä kerüen äytep tübändägeçä däwam itte: “Süriyädäge wazğiyät’neň yaxşırtıluı häm cir bötenlegeneň täêmin itelüe mäs’äläsendä totrıqsız êş başqaruçı il belän ozın möddätle säyäsät alıp baru döres bulmas ide. İkençe yaqtan Törkiyä belän Rusiyä arasında Soçida tözelgän kileşüdän tış yäşeren kileşülärne küzdän kiçerü öçen säbäp kürmim.”