Tramp 18 meñ qaçaqnı qabul itäçäk

Amerika Quşma Ştatlarında dӓwlӓt başlığı Donal’d Tramp citӓkçelege 2020 yılda ilenӓ barı tik 18 meñ yaña qaçaqnıñ urnaşuın küzdӓ totuçı tӓqdimne Kongresska tӓqdim itte.

Aq Yort rӓsmi zatları Kongresska tӓqdim itkӓn 2020 yılğı qaçaqlar programmasına kürӓ AQŞnıñ kilӓse yıl öçen 18 meñ qaçaqqa ğına ildӓ urnaşu xoquqın birüe planlana.

Ӓlege san AQŞnıñ zamança qaçaqlar programması tarixındağı iñ ӓz sannı tӓşqil’ itӓ.

Ayıruça Tramp açıqlağan qararnamӓgӓ kürӓ AQŞ citӓkçelege qaçaqlarnıñ qabat urnaştırıluı öçen ştat idarӓlӓre hӓm cirle citӓkçeleklӓrneñ raslawın alaçaq.

Êlekke Amerikan dӓwlӓt başlığı Barak Obama çorınıñ soñğı yılı bulğan 2016 yılda AQŞnıñ qaçaqlar kvotası 110 meñ ide, Tramp citӓkçelege bu sannı 30 meñgӓ qadӓr töşergӓn ide.