Tramp belän Śukerberg oçraştı

AQŞ ilbaşı Donal’d Tramp Aq Yortta sośial’ çeltär Feysbuknıñ general’ direktorı Mark Śukerberg belän oçraştı. Bu xaqta däwlät başlığı üzeneñ räsmi Twitter bite aşa belderde. “Feysbuk citäkçese Mark Śukerberg belän bügen Oval bülmädä matur ğına söyläştek,”-dip yazdı ul häm ikese bergä töşkän foto belän dä urtaqlaştı.

Feysbuktan yasalğan belderüdä isä bolay diyelä: “Mark kiläçäktä yasalaçaq internet tözätüläre belän bäyle säyäsätçelärneñ borçuların tıñlaw häm söyläşü öçen Vaşingtonda. Ul, monnan tış, ilbaşı Tramp belän bügen Aq Yortta matur häm konstruktiv cıyılış ütkärde”.

Bilgele bulğança, Tramp yış qına Feysbuknı häm başqa sośial’ çeltärlärne üzenä qarşı fikerlärgä teläktäşlek kürsätüdä tänqıyt’li.