Sudanda köçle yañğırlar
İldä yañğır arqasında 2 atnada 46 keşe ülde
Sudanda ğadättän tış köçle yawım-töşem näticäsendä bulğan su basularda soñğı 2 atnada 46 keşeneñ ğomere özelde.
Sälamätlek saqlaw ministrı wäkile Söläyman Ğabdelcabbar beldergänçä, yañğırlar 18 töbäkneñ 16sın üz yoğıntısı astına alğan. Su basularda xäzergä qadär 9 meñ 260 öy zarar kürgän, bolardan 595e bötenläy cimerelgän, 3 meñnän artığı da torğızıla almıas xälgä kilgän.
“Köçle yawım-töşem öylärneñ işelüe, taşqınğa êlägep häm çoqırlarğa töşep batıp 46 keşeneñ ülüenä kiterde,”-dide Ğabdelcabbar.
Sudanda avgust başınnan birle köçle yawım-töşem tuqtamıy. Uzğan yıl da şuşı waqıtta bulğan su basu hälakätendä 43 keşeneñ ğomere özelgän ide.
Bäyläneşle xäbärlär
"Watandaşlarıbızğa Livan cirlärennän kitülären kiñäş itäbez"
Bu xaqta Kreml’neñ matbuğat särqatibe Dmitriy Peskov belderde