Süriyä temalı cıyılış başlandı

Qazaqstan başqalası Nursoltanda Süriyä temalı 13 nçe garantlar cıyılışı Rusiya häm İran arasındağı ike yaqlı texnik söyläşülär belän başlanıp kitte.

Törkiyä wäkillegeneñ dä söyläşülär ütkärüe kötelä.

Texnik söyläşülärneñ kön tärtiben İdlib häm Süriyäneñ tön’yaq-könçığışı berençe çiratta bulu belän bergä ildäge wäzğiyät’ täşkil itä.

Rusiya wäkillegen däwlät başlığı Vladimir Putinnıñ Süriyä maxsus wäkile Aleksandr Lavrent’yev, İran wäkillegen tışqı êşlär ministrı urınbasarı Ali Asgar Hacı , Törkiyä wäkillegen tışqı êşlär ministrı urınbasarı Sedat Önal citäkli.

Qazaqstan tışqı êşlär ministrlığı beldergänçä, BMOnıñ Süriyä maxsus wäkile Geir Pedersen sälamätlek problemaları arqasında cıyılışta qatnaşa almıy.

BMO wäkillegen cıyılışta Pedersennıñ urınbasarı wäkillek itä.

Bäşar Äsäd rejimı häm xärbi oppoziśiya wäkillekläre qatnaşaçaq töp cıyılış irtägä ütkärelä.

Yordaniya, BMO qaçaqlar yuğarı komissariyatı häm Xalıqara Qızıl Xaç cämğiyäte wäkilläre küzätüçe bularaq qatnaşa.

Cıyılışlarda İdlib kiyerenkelekne kimetü töbäge, Süriyäneñ tön’yaq-könçığışındağı wäzğiyät’, suğışuçı yaqlar arasında ışanıç arttıruçı çaralar, qaçaqlarnıñ kire qaytuı , humanitar wäzğiyät’ häm suğıştan soñ qabat tözekländerü mäs’äläläre qarala.

Törkiyä , Rusiya häm İran garantlığındağı Astana formatındağı söyläşülär 2017 nçe yılnıñ ğıynwarınnan birle däwam itä.