Yaponiyada qızular can ala
Uzğan atnada êsse hawadan 11 keşeneň ğomere özelde
1244649
Yaponiyada küzӓtelgӓn qızular arqasında uzğan atnada 11 keşeneň ğomere özelde, 5 meň 664 keşe dӓ qoyaş suğu arqasında xastaxanӓgӓ salındı.
Kyodo agentlığı Yanğın hӓm afӓt idarӓse agentlığına tayandırğan xӓbӓrendӓ ildӓ küzӓtelgӓn êsselӓr arqasında uzğan atnada 11 keşeneň yaqtı dönyadan kitüe belderelde.
Xӓbӓrdӓ yaňğır sezonınıň azağına yaqınlaşuı belӓn hawalarnıň tizlek belӓn cılınuı hӓm 5 meň 664 keşene qoyaş suğuı, bolardan 119ınıň kim digӓndӓ 3 atna xastaxanӓdӓ yatuı kirӓklege urın ala.
Rӓsmi zatlar kilӓse atnalarda da küzӓtelӓçӓk qızularğa qarşı xalıqnı iskӓrtep, küp su êçӓrgӓ kinӓş itte.