İdlibtä iñ zur xastaxanä bombalandı

BMO ğomum särqatibe Antonio Guterriş Süriyäneñ tön’yaq-könbatışında däwam itüçe häm xastaxanälär belän mediśina xezmätkärlären dä nişanğa aluçı hawa höcümnären kisken ğayepläde. Ul İdlib kileşüen tormışqa aşırırğa çaqırdı.

BMOdan yasalğan belderüdä äytelgänçä, Süriyädä suğışuçı taraflarğa koordinataları aldan xäbär itelgän buluğa qaramastan, cirlektä iñ zur xastaxanä häm berniçä sälamätlek saqlaw üzäge bombalandı.

Guterriş tınıç xalıq häm infrastrukturanı saqlaw, xalıqara xoquqqa xörmät belän qaraw kiräklegen assızıqladı.

Bäşşar Äsäd rejimınıñ kiçä İdlib kiyerenkelekne kimetü töbäge çikläre êçendäge toraq punktlarğa höcümendä tınıç xalıqtan 5 keşe ülde, 27se yaralandı.