Putinnıñ maxsus wӓkile İranda

Rusiyӓ Federaśiyase dӓwlӓt başlığı Vladimir Putinnıñ maxsus wӓkile Aleksandr Lavrent’yev İran başqalası Tӓhranda İrannıñ Milli iminlek yuğarı şurası ğomüm sӓrqӓtibe Ali Şemxani belӓn küreşep söylӓşte.

Lavrent’yevnıñ Könbatış Qudüs-Yerusalimda 25 iyun’ könne oyıştırılğan Amerika Quşma Ştatları-Rusiyӓ-İzrail öç yaqlı iminlek oçraşuı belӓn bӓyle bularaq İran tarafına mӓğlümat birü öçen Tӓhranğa kitüe belderelde.

Maxsus wӓkil oçraşuda İrannı strategik hӓm dus il bularaq kürülӓren AQŞ hӓm İzrail rӓsmi zatlarına citkerülӓren dӓ ӓytte.

Lavrent’yev AQŞ İranğa qarata alıp barğan “maksimum basım” sӓyӓsӓtenӓ qarşı çığuların citkerde.

İran Milli iminlek yuğarı şurası ğomüm sӓrqӓtibe Şemxani isӓ AQŞnıñ Yaqın Könçığışta kübrӓk qoral sata alu öçen töbӓktӓge totrıqsızlıqnı arttırırğa tırışuın açıqlap tübӓndӓgeçӓ dӓwam itte: “İran töbӓktӓ totrıqlılıq urnaştıru öçen sӓyӓsi hӓm saqlanu çaraların kürergӓ, mӓnfӓğat’lӓren, iminlegen tӓwӓkkӓllek belӓn saqlarğa dӓwam itӓçӓk.”

İran hӓm Rusiyӓ arasındağı mönӓsӓbӓtlӓrne strategik itep taswirlağan Şemxani Rusiyӓneñ atom-töş kileşü, İran hawa kiñlegen bozğan AQŞqa bӓyle keşesez hawa apparatınıñ töşerelüe, İrannıñ Süriyӓdӓge barlığı hӓm Angliyaneñ İran nefte töyӓlgӓn neft’ tankerına qarata diñgez yulbasarlığı kebek mӓs’ӓlӓlӓrdӓge totışın yuğarı bӓyӓlӓwen dӓ assızıqladı.