Tunis sulıqlarında qaçaqlar qotqarıldı

Liviyädän yulğa çıqqan köymädäge 71 migrantnı Tunis yar buyı iminlege berlekläre qotqardı. Süzçe Xüsametdin äl-Cibali beldergänçä, qaçaqlar Kärkänä utrawları yanında batqan.  

Bu waqıyğa nisbätennän Berläşkän Millätlär oyışması migrantlar yuğarı komissarlığı belän êlemtägä kergännär. Cibali äytkänçä, qotqarıluçılarnıñ 37se bangladeşlı, 8e misırlı, 8e marokkolı, 4se Somalidan häm tağın 4e Sudan keşese. Monnan tış aralarında Aljirdan, Çadtan häm Tunistan yulğa çığuçılar bar.  

Tüntäreleştän soñ idarädä citeşsezlek kiçerüçe Liviyäne afrikalı qaçaqlar Urta diñgez aşa Awrupağa baru öçen marşrut bularaq qullana.