Ministrlıq binası qarşında şartlaw

Äfğanstannıñ başqalası Qabulda qorallı höcümçelär saqlanu ministrlığı binası qarşında bomba töyälgän maşina şartlattı häm şunnan soñ tirä-yaqqa ut açtı. Näticädä kimendä 65 keşe yaralandı.

Äfğanstan êçke êşlär ministrlığı süzçese Nasrat Raxumi beldergänçä, qorallı höcümçelär irtänge säğat’lärdä şähär üzägendä şartlaw oyıştırğan. Anıñ täêsire kiñ mäydanda xis itelä. Höcümçelär ministrlıq binası häm tirä-yaqqa ut açqannan soñ poliśiyä xezmätkärläre häm äfğan maxsus quätläre berlekläre waqıyğa urının äyländerep ala.

Bäreleşneñ däwam itüen söylilär.

Höcüm öçen cawaplılıqnı Taliban üz östenä aldı.   

Monnan tış, waqıyğanıñ Taliban wäkilläreneñ Katar başqalası Doxada amerikalılar belän tınıçlıq prośessı turında söyläşülär alıp barğan çorğa turı kilüe iğ’tibarnı cälep itä.