“Çit il köçlären Äfganstannan çigenergä çaqırabız”

Rusiya çit il köçlären Äfganstannan tulısınça çigenergä çaqırğan.

Rusiya Federaśiyäse tışqı êşlär ministrı Sergey Lavrov Rusiya –Äfganstan diplomatik mönäsäbätläreneñ 100 yıllığı uñayınnan Mäskäwdä uzğan cıyılışta çığış yasağan.

Lavrov:”Rusiya Äfganstandağı bäreleşneñ xärbi çişeleşe bulmawına ışana. Tınıçlıq urnaştırunıñ berdänber yulı – diplomatik yullar”,-digän.

Äfganstandağı problemanı çişü öçen böten yaqlarnı söyläşügä çaqırğan Lavrov tündägelärne citkergän: “Çit il köçlären ildän tulısınça çigenergä , cämğiyäwi säyäsi köçlär qatnaşında Äfganstandağı yaqlarnı iñ qısqa waqıtta söyläşülärgä kereşergä çaqırabız”.

Lavrov Äfganstanda iñ qısqa waqıtta tınıçlıq urnaştıru öçen bar närsäne êşläyäçäklären assızıqlağan.

Mäskawdä uzğan cıyılışta Äfganstannñ êlekke däwlät başlığı Hamid Karzai räislegendä säyäsi törkem belän Taliban wäkile Abdul Gani Baradar häm yanındağı wäkillek qatnaşqan.