Tramp Yaponiyädä
Ul yaña imperatornı sälamlärgä kitte
Tramp Yaponiyägä räsmi säfär yasıy. Ul Qoyaş çığışı ilenä yaña imperator Naruxito öçen oyıştırılğan tantanada qatnaşu öçen kitte.
Tramp bügen Tokioda Yaponiyä xökümäte räise Şinzo Abe belän gol’f uynadı häm Ryogoku Kokigikan sportzalında sumo çempionatın qaradı.
Kiçä isä ul Toyota, Nissan, Honda, SoftBank häm Rakuten şikelle Yaponiyä firmalarının wäkilläre belän kiçke aşta oçraştı. AQŞ ilbaşı anda älege firmalarnı Amerikağa investiśiyä yasarğa çaqırdı häm monıñ öçen iñ yaxşı waqıt buluın äytte.
Trampnıñ säfär qısalarında Yaponiyä xökümäte räise Abe belän ike il arasındağı säwdä häm iminlek mönäsäbätläre xaqında söyläşüe kötelä. Monnan tış, kön üzägendä İran häm Tön’yaq Koreya da bar.
Tramp sośial’ media xisabı Twitter aşa Tön’yaq Koreyanıñ keçe yıraqlıqtağı raketalar sınawına borçılmawın belderde. Ul Kim Çen-ınnıñ birgän süzen totaçağına ışana.
